Macem-macem Jenis Bisnis Afiliasi

Kali ini Cang Begal mau ngelanjutin omongan tempo ari… masih masalah si Afi alias afiliasi…tapi pastiin dulu sodare sudah baca soal Apa ntu Afiliasi…

Sebelum mulai bisnis afiliasi, Sodare perlu ngerti jenis-jenis bisnis afiliasi nyang mau Sodare geluti nantinya, termasuk keuntungan dan sistem pembayaran pada umumnya. Berikut kami sampaikan dengan singkat:

1. Pay Per Sale

Ni adalah salah satu jenis afiliasi nyang dapetin bayaran kalo produk kejual beneran. biasanye di singkat PPS

2. Pay Per Lead

Lain lagi dengan nyang ini nih... disini sasaran pembeli ade kriterianye dan kalo sodare bisa ngedapetin pembeli dengan kriteria ntu menjadi pelangan website penyedia layanan ntu artinye sodare dapat fulus... tapi biasanye bayaranye standar dan baku...(flat)

3. Pay Per Search

Nah nyang paling enakkan dikit, perusahaan nyang punya produk ini akan bayar sodare kalo Kotak Pencarian nyang sodare pake disisipi link-nye empunya produk langsung deh dapat doku...

4. Pay Per Clik
Ade juga merchant nyang menawarkan afiliasi tanpa banyak skill, ya ntu pay per click atawa PPC. Disini, Sodare akan dibayar untuk setiap pengunjung nyang mengklik iklan affiliate merchant.

5. Recurring

Kalo nyang ni sodare bisa jadi dapat keuntungan lumayan kalo sodare ngejualin produk dan si pembeli terus memakai produk itu secara terus-menerus selama sodare dan pembeli masih jadi anggota.

6. Hybrid Programs
Untuk jenis bisnis afiliasi terakhir, merchant mau memberikan komisi ketika pengguna mengklik banner. Komisi ini mau terus bertambah, seiring semakin banyaknya pengguna internet nyang mengklik baneer tersebut.

Sekarang nyang jadi tugas awal sodare adalah daftar di berbagai bisnis afiliasi nyang ade didunia maya ni.. selamat nyoba....

Apa ntu Afiliasi?

Ape kabar encang, encing, nyak babe, mpok abang……

Kenalin ya… Ane BEGAL…eit… jangan salah sangka dulu… ane emang Begal Tinggal di BEtawi Aslinye teGAL..githu…

Ane Warga nyang baru aje laih di dunia maya ni... jadi ane lagi cari bentuk dan ane jadikan isi dari belog ane ni... untuk ntu kalo ade nyang sale sale atawa nyang kurang-kurang tulug di maapin kalo bisa dibenerin ya..
tengkiu

Dari hasil perjalanan ane didunia nyang kagak tahu bakal kemane juntrungannye ni… ane ngerasa cokcok dengan nyang namenye si AFI…alias Afiliasi alias lagi calo…ntu dalam bahasa encang ane tuh…

Ngomongin soal Si AFI ni…sebenernye pengetahuan ane kurang tapi menurut para pakar dibidang ngocomonologi bahwa seseorang nyang tidak punya banyak ilmu sering kali bisa dijadikan sumber inspirasi… loh kok bias cang ? kate si Fullan

Contoh aje ni ye…. Encang ane lagi mancing di empang pake pellet campur macem-macem dicoba segala hal dari tepung ikan busuk telor kadaluarsa ampe tai kotok die pake… nah ade orang pintetr dating tuh liat tuh encang nyang lagi ngeramu racikan empan.. . ngobrol mereka dengan asyiknye… kagak lama dari obrolan ntu ada orang jual racikan dengan merk nama encang ane… dan baiknye tuh orang jujur mau bagi rejeki dengan encang ane…ntu salah satunye…

Balik lagi yak ke masalah Si Afi..

Katanye…kate orang pinter tadi tuh…dari sudut pandang bahasa…wuelah bahasa maen tuh… Afiliasi artinye bentuk kerjasama antare dua orang atau lebih atau dua lembaga atau lebih nyang masing-masing berdiri sendiri.  

Nah ade lagi nih sudut pandang nyang lainnye ya ntu dari terminologi bisnis online pengertiannye jadi nambah ya ntu“cara menghasilkan uang dengan menjual produk dari perusahaan atau lembaga pemilik produk (affiliate merchant), dengan bergabung menjadi pemasar produk (affiliate marketers), dan (hanya) dibayar setelah produk terjual”. Di luar negeri, pengertian afiliasi memiliki kedekatan  dengan pekerjaan seperti calo, broker, atau perantara, karena menerapkan cara kerja nyang sama….. (asli ini tulisan orang nih ya..)

Tuh pan ane bilang juga ape Afi ntu makelar atawa calo…kaya encang ame encing ane.nyang jadi calo atawa makelar mobil ame rumah.

Cara kerjanye aje ampir sama kagak ade bedanye same-same jualan tanpa bawa barang same-same jualan barang orang. Dan same-same Cuma dapetin kumisi kalo btu barang kejual kalo kaga ya mlonggo bae…hehehehe…

Kalo kite ngeliat dari ape nyang ade sekarang dimane dunia internet makin menusantara…. Wuidih dah pinter Begal ngomong karang ya… artinye kerjaan si AFi ini makin mudah karena tinggal duduk dirumah buka computer pasang iklan deh ngubleg aje deh disono cari tahu ape nyang lagi dijual. Kagak akyak encang ane nyang kudu ketemu orang musti ngeliat barangnye dulu dll.

Nah, Akhirnye tinggal kite deh nyang kudu pinter atur bahase nyang kiranye bias ngundang orang pengen ngebeli barang nyang mau kite pasarkan. Jangan kire ni bisnis kagak perlu ilmu… semua nyang ade sangkut pautnye ame perut ntu butuh ilmu dah.. kentut aje kudu tahu ilmunye iye kagak…ok my pren epri badi nyang lagi baca ni pos dari ane… jangan kaget ye dengan bahase ane Begal emang begini…

Si pian pacanye kedasih

Cukup sekian dan terime kasih

Pay Per Sale (PPS)

Pay Per Sale dalam bahasa disebut Bayar-per-penjualan atau PPS (kadang-kadang disebut sebagai biaya per penjualan atau CPS) adalah sistem harga iklan online di mana penerbit atau pemilik website dibayar berdasarkan jumlah penjualan yang secara langsung dihasilkan oleh iklan. Ini adalah varian dari BPA (biaya per tindakan) model, di mana pengiklan membayar penerbit dan / atau pemilik website secara proporsional dengan jumlah tindakan yang dilakukan oleh pembaca atau pengunjung ke situs web.